最多 6 個解鎖方法!Lockly 智能鎖登陸香港

每次返到屋企門口發現唔記得帶鎖匙出街,小編都好想將屋企個鎖換成智能鎖,如果讀者同筆者一樣都係「大頭蝦」,相信以下依個消息一定係福音。2015 年於美國矽谷成立的 Lockly 近日將旗下 4 款智能鎖引入香港市場!

Lockly 日前於中環發佈安全智能鎖系列,包括 Secure LUX、Secure、
Secure PLUS 及 Secure PRO,提供六種不同開鎖模式,包括 3D 指紋驗證、手機 App、語音聲控、RFID 卡及備用機械鑰匙,而最標誌性的就係以下依個全球首創的防窺視數碼鍵盤。

防窺視數碼鍵盤,簡單嚟講就係「撳密碼」,但係 Lockly 採用演算法系統,輕觸式屏幕上只有 4 組按鈕,每組含 3 個數字,每次使用後數字將隨機轉換,可以杜絕洩露密碼的風險。

防窺視密碼鍵盤,只有 4 組按鈕

叫得智能鎖,除咗「撳密碼」,當然有其他解鎖方法。小編最推介就係 3D 指紋驗證,Lockly 可儲存多達 99 個指紋,只要 0.39 秒就可以驗證身份並解鎖,而高階型號 Secure LUX 更支援 RFID 卡,嘟一嘟就入得。而鍾意懶型嘅朋友仔就可以用手機 App,透過藍芽或 Wi-Fi 解鎖,亦可以遙距開門俾家人、朋友、甚至開門俾速遞員送貨。

透過藍芽或 Wi-Fi 解鎖

Lockly 智能鎖系列仲兼容智能家居系統,用家就可以繼續坐喺梳化,透過語音指令叫亞馬遜 Alexa、
Google Home 幫你開門,2019 年第二季仲會支援埋Apple Homekit 添。除咗以上咁多個解鎖方式,當然用家都可以用返傳統機械鑰匙開門啦!

Lockly™ 安全智能鎖系列現時於香港有售,包括 Colourliving、極速開鎖 Mr. Locksmith 、Hong Kong
Hardware、師傅到 CFU Come、指定地產發展商及中介,以及官方網站 www.lockly.com。價錢由 HK$ 2500 至 HK$5100 不等,臨近歲晚換個門鎖,安全之餘又方便自己啊!

4 個型號特色各有不同

Facebook Comments
廣告