Instagram Stories 加入批量上載功能!Android 用家率先玩

去完旅行/去完 Party,好多靚相想 Post Story?逐張 Post 又真係幾麻煩。今日起,Instagram 推出新功能「Multi-Upload」,用家終於可以一次過將多張照片和影片上傳到 Story 之中。

有時連續 Post 幾個 Story 都幾狼狽,尤其是去完 Party,逐張逐張揀都幾麻煩,但從今開始,用家終於可以一次過將多張照片和影片上傳到 Story 之中,方便用家確保整個 Story 更有連續性、故事性。

只要拉出上傳媒體的介面,屏幕右上角會出現一個新圖示,只要一點擊,用家就可以開始從圖庫中選擇多達 10 張照片或影片。下一步,用家可以於編輯介面的底部,看到所有媒體的預覽圖順序排列,用家可以隨時點按每個媒體逐個編輯(如加入貼紙、文字等)。完成後,所有照片和影片都會順序上傳。

除此之外,Story 的位置貼紙功能會升級:每次上載圖片或影片時,功能會自動建議附近的「位置貼紙」,即使過完一個「失憶周末」,都可以一邊 Post Story 一邊重新喚起自己的記憶。以上新功能已經於 Android 推出,而 iOS 用家將可於未來數星期內用到新功能。

Facebook Comments