Uber 收購電動單車租貸公司 JUMP BIKE

依家一落樓,周街都係黃黃綠綠的共享單車,如果遲下有「電動共享單車」你又有冇興趣試?Uber 正在收購一家名為 JUMP BIKE 的電動單車租公司,JUMP BIKE 目前於美國華盛頓和三藩市運營,服務與本港的 Gobee bike、ofo 等共享單車公司一樣,以「無底座」形式運作,用家可以隨地借走/停泊電動單車。

JUMP BIKE 的費用為每 30 分鐘 $2 美元,即大約 $15.6 港元,內置 E-Assist 摩打,最高時速約 32 公里,外形簡約得來,富有未來感,以紅色為主調,印上白色「JUMP」字樣(驟眼睇以為係 Supreme 出嘅單車)。

Uber 收購 JUMP BIKE 之後,CEO Ryan Rzepecki 以及旗下員工都會加入 Uber 作為子公司,雖然未有公佈收購價,但價格至少達 1 億美元。收購進行前,三藩市用戶已可使用 Uber 應用程式租借 JUMP BIKE,相信收購後計劃將會擴大到不同地區。

Facebook Comments