泵氣要泵兩小時!$ 96 美元超巨型沙灘波險傷人

沙灘波理應是一家大細,老少咸宜的玩具,但以下這個故事教訓大家,只要將體積放大幾倍,玩具也可以變傷人兇器。

近日於 Reddit 討論區有一位名為 mas1234 的用戶分享了一件 Amazon 商品,一個 12 尺高,名為 “Beach Behemoth” (沙灘巨獸)的沙灘波。驟眼睇,外觀與普通沙灘波沒有大分別,採用藍、黃、紅的三色設計。

直徑 12 尺,即約 3.65 米高。659,000 平方吋的容量,賣方提醒買家「千萬唔好用口吹」,因為賣方公司有位實習生試過,佢到依家仲吹緊。

但巨型沙灘波險造成悲劇,有買家留下「用家評價」,內容如下:

我哋將個波帶去海邊,用咗接近 2 小時將佢吹漲,我哋玩咗 10 分鐘。 然後突然吹起一陣風,個波以時速 74 公里吹到沙灘上,路上一切都被摧毀,沙堡被輾碎,小朋友受驚過度尖叫,一個成年男子為試圖拯救家人而被沙灘波輾過。

資料圖片

我哋追波時跑得越快,個波就飛得越快,完全就好似玩我哋咁。最終,我們需要停止追捕行動,因為沙灘波造成的傷害和破壞可能令我哋要負上龐大的法律費用。有傳言指,沙灘波仍然於佛羅里達州西北部肆虐,部份無辜家庭受影響。 我們最於在南卡羅來納州失去它的蹤影,所以它的耐用性實在無容置疑。

資料圖片

好明顯以上故事有誇大成份,但大家入手巨型沙灘波時應該衡量自己的需要以及場地安全,亦要緊記添置電子泵,否則用口吹兩小時,太陽都落山啦。沙灘巨獸沙灘波於 Amazon 售 $ 92 美元,即 $ 720 港元,連電動氣泵一個。

Facebook Comments