「亞視會永遠都存在」!新App重溫 開心大發現/今夜不設防!

亞洲電視 2016 年 4 月正式熄機,但當人們懶係搞笑,唱著「亞視會永遠都存在~」,點知真係烏鴉口,亞視翻生了!

亞視今日舉行「亞洲電視數碼媒體有限公司重組啟航暨應用程式啟用儀式」,宣佈於透過 OTT 網上平台復播,用家可以透過「亞洲電視機頂盒」或手機 App。「亞洲電視機頂盒」將會為香港寬頻的附帶增值服務,而獨立購買的詳情則會於稍後公佈。而 App 方面,亞視前日就率先在 Google Play 及 App Store 推出「ATV 亞洲電視」手機應用程式。

程式中,用家可以點播多套外購的電影、動畫、劇集,但全部不算出名。比較吸引的是可以重溫多個 ATV 的經典節目,如尋找他鄉的故事、開心大發現、今夜不設防、開心主流派等。

另外,亞視將會翻拍遊戲節目「百萬富翁」,找來前 TVB業務總經理 陳志雲做主持。手機 App 中有一個小遊戲,成功答完 5 題之後,就可以參與面試,有機會成為現場參賽者。內容全部免費至 2018 年 3 月 31 日, 4 月 1 日之後就會收取港幣 $38 元月費,與 Mytv Super 一樣,而部份內容更要額外收費。

▲雖然部份內容吸引,但 App 的界面都保留一貫亞洲風格,勁娘!

講返今日舉行的啟用儀式,在 Facebook 及 「ATV 亞洲電視」手機應用程式亦有直播,出席嘉賓星光熠熠,包括多個前亞視藝人,亦有從 TVB 過檔倒戈相向的藝人(如:朱慧敏)及高層。但直播過程烏龍百出,導演懷疑瞓著咗,多次忘記轉鏡頭,大會司儀曾華倩等人亦不停睇貓紙,不禁令觀眾心諗「望下鏡頭啦!」。

▲留意 1 小時 19 分 50 秒左右,影住陶傑的側面差不多成分鐘

 

Facebook Comments