幾個月前仆咗落台!機械人今日學識打後空翻?

波士頓動力(Boston Dynamics)是一家美國的工程與機器人設計公司,近年致力研發一系列人型機械人,而最出名的就是 Atlas。Atlas 以兩隻腳走路,擁有超強平衡力,就算在雪地仍可以正常行走,就算仆倒亦可以自行企返起身。

今年中,Boston Dynamics 在一個會議上現場示範 Atlas 的性能,但 Atlas 最後竟然仆落台,被網民瘋狂嘲笑。可是 Boston Dynamics 近期推出一條短片,Atlas 又學到新技能,睇到令人 Wow 一聲!

日前,Boston Dynamics 在 YouTube 發佈一條名為 “What’s new, Atlas?” 的影片,短短 54 秒的影片,真係令人大跌眼鏡。前排先仆親,依家 Atlas 已經練成後空翻的技能,流暢度非常高,動作自然到好似人扮一樣,咁下次在台上Kick親就可以打個空翻落地了。

Facebook Comments