點解老麥啲雪糕機成日壞?好彩有呢個App⋯

當「魚蛋」變成「魚丸子」,「番茄」變作「西紅柿」,「麥當勞」變作「金拱門」,有種事情仍然不變,就是 M 記啲雪糕機依然成日都壞!未知大家有否試過一心打算去食雪糕,經常山長水遠走到 M 記才發現雪糕賣晒/雪糕機壞了/雪糕暫停供應,總之就冇得食啦,令人十分失望,而情況更加是經常出現。

華爾街雜誌就曾經深入調查麥當勞經常暫停供應雪糕的原因,原來主要原因是製作雪糕過程中,每次都要將奶消毒,需時 4 小時。而雪糕機由 11 個組件合併而成,每次清洗機器都要將所有組件分拆再合併。事實上,除了製作/清洗時間長之外,雪糕機亦經常故障,調查指出美國竟然有 25% 間 M 記的雪糕機運作不正常。

  

有見及此,有班雪糕迷就開發了一個 App 名為 “Ice Check”,用家每次出門買雪糕前,可以打開 “Ice Check”,應用程式會以 GPS 定位,一覽附近 M 記的雪糕機實時服務狀況,是正常還是暫停供應一目了然,免得白行一趟。而狀況數據就是靠廣大的用戶提供,所以當你看見樓下間 M 記冇雪糕賣,你可以在 App 中通報。”Ice Check” 暫時只有 iOS 版,雖然香港用家亦能下載,但 App 中未有載入香港 M 記資料,下次去美國可以試用一下。

Facebook Comments