再見亦是朋友!Facebook 助你渡過分手陰霾

正所謂再見亦是朋友,Facebook 都深明呢一點,所以推出這個功能,讓你分手後不需要 Unfriend 的情況下盡快走出分手陰霾。

Facebook 可能知道分手嘅痛,當用戶將感情狀態「交往中」或「已婚」轉成「單身」的時候,會彈出一個 “Take A Break” 頁面。頁面中你可以有多個選項,幫助你減少分手的痛楚,方法不外乎三種:「唔想再見到佢」、「唔想再俾佢見到」、「唔想再俾其他人見到」

「唔想再見到佢」:你可以選擇「解除追蹤」,不再看見他發的帖文,但你仍然會見到他的留言或被 Tag 的相片;或者可以選擇「完全限制」她所有消息,你也不能發訊息給他。系統也不會建議您發送訊息給對方或在相片裡標註對方。

「唔想再俾佢見到」:將他放到「限制名單」,他將不會再看到你任何帖文。

「唔想再俾其他人見到」:你可以個別或一次過將「他標註你的帖文」、「你們一起被標註的帖文」全部取消被標註。


鬧交 -> 分手 -> Unfriend,之後好返,又要 Add 返做 Friend,俾朋友見到真係瘀皮。手機就不斷響起,來自朋友的訊息全部都係:「又同你個 BB 豬好返啦?」「嘩第 N 次複合,有咩感想?」。Facebook 呢個功能,啱晒啲小小事就嗌分手,話咁快又閃電復合嘅情侶。

當然,不一定要分手或解婚才可以 “Take A Break”,就算是朋友亦可以。只要到這一頁輸入朋友的名稱,或以 Facebook 手機 App 到他的個人頁,按下 “Friends” 制,就會見到 “Take A Break” 選項。

Facebook Comments