兜埋你啦!坐 Uber 終於可以加入中途站

我哋一班朋友出完街,如果有人準備去搭的士,其他通常都會話:「順路喎!兜埋我啦!」。但如果你係 Uber 嘅用家,你就知道搭 Uber 一向都冇得「兜埋」人哋。

Uber 一向的玩法都是由 A 到 B 的點對點的接送,如果真係要「兜埋」朋友嘅話,有司機會教你一個折衷方法:如果要由 A 到 B,再到 C,召車時可以先輸入 B 的地址為目的地。當 Uber 車就快到 B 點時,再用 App 將目的地改為 C。

以上方法真係睇見都煩,Uber 有見及此,加入「中途站」功能,只要在輸入目的地時,按下「+」號,目的地欄就會加多一欄,輸入目的地之後「+」號會再出現,最多可以有 2 個中途站,即是由 A 到 B 到 C 到 D。咁開完 Party 就可以一架車載晒成班 Friend 返屋企啦!

不過有幾樣嘢要注意,首先 App 不會幫你計算「順唔順路」,你輸入的次序就是決定了 Uber 的行走路線。另外,Uber 提示大家每一站只可以停少過 3 分鐘,否則車費可能會有調整。

Facebook Comments