共享單車平民化!Locobike 按金一百蚊唔駛+3蚊踩半個鐘

周街都見到青BB嘅共享單車,問起身邊朋友點解唔玩,佢哋都話:「其實 5 蚊一個鐘都唔係好貴,不過貴過搭車囉」/「大拿拿 $399 蚊按金,我不如自己買部單車啦」。事實上,青BB 的 Gobeebike 由服務一啟用開始就多次被投訴,例如:無通知下扣除用戶 $399/租車失敗錢照扣⋯ 唔知新競爭者加入,會否推動大家進步呢?

最近筆者途經沙田一帶都發現,除了青BB的單車之外,突然發現一些藍轟轟的單車。除了顏色不同之外,構造大致相同,仲以為又有人偷咗部青BB bike 噴成第隻色掩人耳目。行近一望發現,原來藍轟轟的是 “Locobike”。

由小店購物平台 Locolla 所開發,Locobike 賣點就是夠貼地、夠 Local。與 Gobeebike 一樣,第一次使用單車之前,用家需要被扣除一筆按金,但 Locobike 所收取的 $99 遠遠比起 Gobee 的 $399 平。而收費方面,Locobike 每半個鐘 3 元,比對手平兩蚊,而且新 App 開張還有不少優惠。

獲取優惠的「玩法」有 4 種,首先,登記時使用邀請碼,可得 10 蚊優惠;繳交按金又會得到一張 $3 踩車優惠券;之後充值滿一定金額,又送券;與 Gobeebike 一樣,停泊到指定停車位亦有優惠。

操作方法大同小異,用信用卡增值 App 內的電子錢包後,每次用 App 掃描單車上的 QR Code,單車就會自動解鎖,踩完記得鎖返架車啊!現時 Locobike 主要集中於沙田、大圍、大埔,雖然單車數量及覆蓋範圍不及對手,但引入競爭後,相信香港的共享單車市場都會共同進步。

 

 

Facebook Comments