熱爆新奇 GTAV 直播: 睇住 AI 人工智能學揸車![有片]

1.png

如果有留意新聞,可能都知道之前已經有人開始用 GTAV 作為 AI 人工智能研發工具:比汽車使用的 AI 喺虛擬城市 Los Santos 學習自動駕駛。究竟 AI 實際揸成係點?依家終於有機會窺探一下!

1.jpg

“Charles” 係個自動駕駛 AI,利用人工智能網絡黎自我學習。雖然呢個 AI 唔係出自大企業,但睇佢揸車依然好有趣,最正的是可以喺 Twitch 睇直播。Charles 所有行動都係純粹睇畫面決定,唔會知道遊戲背後的數據,就同大家一樣。咁樣就可以學習分析路面情況,即時應對突發問題。

不過由於呢個 AI 只係初期版本,所以駕駛技術完全係飲醉酒級數,作為道路使用者亦唔太負責任。例如經常會行對面線,甚至會高速衝落海。而 GTAV 主角 Michael 就被迫坐喺入面,不斷大吵大鬧。好彩萬一 AI 將車卡死,遊戲就會自動重設到高速公路上。

2.jpg

黎緊 Charles 的加入更多能力 (例如短暫記憶),黎改善駕駛技術。依家 Charles 只睇到灰階顏色,可能導致佢極之「害怕」暗陰地方,例如一入隧道就會發癲。黎緊會加入彩色視覺,相信會對駕駛有好大幫助。你可以依家就去睇下佢揸成點:https://www.twitch.tv/sentdex

唔想錯過更多最新內容,Like C6UP Facebook 專頁啦!

Facebook Comments