坐入駕駛艙打使徙!全新 VR 街機比你揸 EVA [有片]

1.png

日本越黎越多 VR 街機專門店,Bandai Namco 旗下的就係 “VR Zone”。繼上年推出的 Gundam VR 體驗「ガンダムVR ダイバ強襲」 之後,依家終於輪到另一套經典:EVA!

Bandai Namco 岩岩公開全新 EVA VR 街機遊戲『エヴァンゲリオンVR The 魂の座』。呢部 VR 裝置絕不馬虎:座椅睇落可能同真正 EVA 駕駛艙仲有一段距離,但由於玩家根本唔會睇到外觀,所以最緊要係坐落去坐姿似足 EVA。亦一樣係用左右操控杆控制。

遊戲內你係臨時挑選的駕駛者,坐上 EVA 由 LCL 注水開始啟動。之後就要連同初號機、零號機、2 號機一齊迎擊迫近第 3 新東京市的「最強使徙」- 第 10 使徙。除左透過 VR 頭戴裝置睇到畫面,整部機亦會配合畫面震動,又有吹風機能提升臨場感。

『エヴァンゲリオンVR The 魂の座』將會喺今年夏季登陸新宿・歌舞伎町 TOKYU MILANO!

唔想錯過更多最新內容,Like C6UP Facebook 專頁啦!

Facebook Comments