PS4 外置硬碟邊隻好?超大容量 HDD vs 超高速 SSD 實測![有片]

2.png

PS4 之前推出 4.5 版本軟體,終於加入玩家要求已久的 USB 硬碟支援。不過一次只可以插一個硬碟,究竟追求容量用 HDD 定係追求速度用 SSD 好?專家最新測試揾出答案!

測試用一個 4TB HDD 硬碟以及一個 480GB SSD,兩個價錢一樣。測試前專家擔心 HDD 咁大容量,可能會影響遊戲 loading 時間加長。SSD 雖然速度肯定快,但究竟同 HDD 差距係咪足以補償細少容量?

第一個測試係 Fallout 4,存取時間出名好長。結果插 SSD 只需 30 秒就完成,之後係外置 HDD (45 秒),最後竟然係 PS4 本身的內置硬碟 – 57 秒。外插 SSD 比原本快差唔多一半,但外置 HDD 依然有唔錯的提升。第二個測試 Witcher 3 的結果亦差唔多,外置 SSD / 外置 HDD / 內置 HDD 時間分別係 1:17 / 1:27 / 1:35。

另一個測試就針對大容量外置 HDD,喺電腦如果 HDD 接近爆滿,速度就會明顯下降。不過 PS4 外置硬碟格式令呢個問題唔會出現,就算放滿遊戲依然保持一樣速度。

換句話說,對大部分人黎講大容量外置 HDD 會係比較划算的選擇。夠放大量遊戲,loading 速度亦會比內置硬碟更快。

唔想錯過更多最新內容,Like C6UP Facebook 專頁啦!

Facebook Comments