贏第一唔再靠運氣!Switch Mario Kart: 10 個必學技巧 [有片]

1.png

男女老幼個個都玩的 Mario Kart 終於出左新一集,無數人已經日日狂玩。不過你有冇發覺就算一開始排得頭,之後都會落後返?好可能就係因為你冇用盡到所有技巧,其他人就有機可乘,次次都可以追返。無論你係新手定老手,都要睇下自己有冇善用呢 10 個重要技巧:

1.jpg

1. 起步倒數加速
Mario Kart 多年傳統:起步時倒數到「2」就開始撳實加速,成功就會一下彈出。不過小心如果太早撳就反而會減慢起步。

2.jpg

2. 跳躍即撳加速
只要車仔一起跳,撳一撳 R (飄移掣) 就可以加速。好多人唔知就算只係好細好矮的起跳位都可以,總之架車離左地就可以用呢個方法加速!

3.jpg

3. 長時間飄移加速
撳實 R 就可以飄移,飄得夠耐一放手就可以加速。飄移時車碌顏色有藍 – 黃 – 粉紅 3 個階段,去到粉紅階段足足可以加速 2.6 秒。

4.jpg

4. 懸浮撞人加速
進入懸浮地帶之後,撞人地架車或者發光柱就可以加速。不過小心唔好直接撞落人地後面,否則加速效果會大減。

5.jpg

5. 車後氣流加速
如果前面有車,你可以喺正後面緊貼住。只要距離夠近就可以「食氣流」,跟一陣就會開始見到自己架車有風,就會加速超前。

6.jpg

6. 收集金幣係有用
好多人以為金幣純粹用黎解鎖新車、新裝備,但其實喺比賽時都有實際作用。雖然冇其他 item 咁明顯,但其實每次攞金幣都有少少加速。而且手上金幣越多,架車最高速度亦會越高 (最多 10 個)。

7.jpg

7. 唔同角色 / 車 / 裝備各有特性
角色唔係得個樣唔同,而係分左 3 種體型:輕 / 中 / 重。唔同重量會影響撞開對手的能力,亦會影響駕駛效果。輕量角色加速能力較高,轉向較容易控制。重量角色最高速度最快,但較難操控。

選擇 kart 車同裝備時,撳一撳 + / – 號就可以顯示詳細數值,可以根據自己玩法黎揀 (新手建議揀加速度較高)。至於兩碌同四碌車分別就在於:前者轉向幅度較大,但較難控制;後者轉向幅度較少,但較穩定。

8.jpg

8. 道具放後面可防守
好多人攞到道具會即刻用,但其實好多道具都可以用黎防守。只要撳實 L 就可以將 item 放後面,當有人向你攻擊時就可以幫你擋住。如果你排第一就更加應該防守,萬一被人超前亦可以重新使用道具。

9.jpg

9. 記住賽道捷徑位
幾乎每條賽道都有隱藏捷徑,好多都需要加速先入到去,其他就要飄移急彎入。好重要係大部分捷徑都要關閉輔助轉向先入到 (揀車、賽車時暫停都可以設定)。記住同練熟行捷徑後,速度可大大達升。想知捷徑喺邊可以睇睇片:

https://www.youtube.com/watch?v=XLNHi9-OeQM

10.jpg

10. 記住雙道具位置
今集新增雙層道具,一次攞兩個真係可以影響好大。最好同捷徑一樣,記住雙層道具位置就差好遠。

唔想錯過更多最新內容,Like C6UP Facebook 專頁啦!

Facebook Comments